You are here
Home > Business News > ရန်ကုန်စတော့ အိတ်ချိန်း ဈေးကွက် အရောင်းအ၀ယ်မြင့်တက်လာ

ရန်ကုန်စတော့ အိတ်ချိန်း ဈေးကွက် အရောင်းအ၀ယ်မြင့်တက်လာ

ရန်ကုန်စတော့ အိတ်ချိန်းဈေးကွက်ရှိ အများပိုင် ကုမ္ပဏီ ၄ ခု၏ စတော့ ရှယ်ယာရောင်းချနိုင်မှုသည် ဇူလိုင်လအတွင်း ကျပ် ၁.၃ ဘီလီယံအထိသာ ရှိခဲ့သော်လည်း သြဂုတ်လအတွင်း အစုရှယ်ယာကျပ် ၂.၃ ဘီလီယံဖိုး အရောင်းအ၀ယ်မြင့်တက်လာခဲ့ကြောင်း သိရသည်။
ရန်ကုန်စတော့ အိတ်ချိန်း ဈေးကွက်တွင် သြဂုတ်လအတွင်း ရောင်းချနိုင်ခဲ့သော အစုရှယ်ယာပမာဏ သည် လွန်ခဲ့သည့် ၅ လ အတွင်း အများဆုံးရောင်းချနိုင်ခဲ့သည့် ပမာဏဖြစ်ကြောင်း၊ သီလ၀ါအများပိုင်ကုမ္ပဏီနှင့် ပထမပုဂ္ဂလိက ဘဏ်တို့၏ အစုရှယ်ယာရောင်းအားသည် နှစ်ဆခန့်မြင့်တက်လာကြောင်း ရန်ကုန်စတော့ အိတ်ချိန်းမှ တာဝန်ရှိသူတစ်ဦးက ပြောသည်။ “သီလ၀ါရှယ် ယာက ဇူလိုင်လမှာ ကျပ်သန်း ၄၀ ခန့် အရောင်းအ၀ယ်ဖြစ်ခဲ့ပေမယ့် သြဂုတ်လမှာ ကျပ်သန်း ၇၂၀ ကျော်အထိ အရောင်းအ၀ယ် မြင့်လာတယ်။ ပထမပုဂ္ဂလိက ဘဏ်ကလည်း ဇူလိုင်လမှာ သန်း ၄၀ ခန့်အထိ အရောင်း အ၀ယ်ဖြစ်ခဲ့ပေမယ့် သြဂုတ်လမှာ ကျပ်သန်း ၈၁၀ ကျော်အထိ အရောင်းအ၀ယ်ဖြစ်ခဲ့ပါတယ်။ အရောင်းအ၀ယ်ဖြစ်ထွန်းလာတာက ကုမ္ပဏီတစ်ခုတည်းမဟုတ်ဘူးဆိုတော့ ရှယ်ယာဈေးကွက် အလားအလာကောင်းတွေရှိတယ်လို့ ပြောရမယ်။ နောက်ပြီး ရှယ်ယာတွေကလည်း အတက်အကျရှိလာတော့ အသက်ဝင်ပြီး ရှယ်ယာဈေးကွက် ပြန်လှုပ်လာတာပါ” ဟု မြန်မာ့စီးပွားရေးပညာရှင်တစ်ဦးက ပြောသည်။

Leave a Reply

Top