You are here
Home > Business News > ထားဝယ်အထူးစီးပွားရေးဇုန်စီမံကိန်း၌ လုပ်ကိုင်လိုသော မြန်မာကုမ္ပဏီများကို ဖိတ်ခေါ်

ထားဝယ်အထူးစီးပွားရေးဇုန်စီမံကိန်း၌ လုပ်ကိုင်လိုသော မြန်မာကုမ္ပဏီများကို ဖိတ်ခေါ်

ထားဝယ်အထူးစီးပွားရေးဇုန်စီမံကိန်းပြန်လည်စတင်ရာတွင် ပါဝင်လုပ်ကိုင်လိုသော မြန်မာကုမ္ပဏီများကို ဖိတ်ခေါ်ထားကြောင်း ထားဝယ်အထူးစီးပွားရေးဇုန် စီခံခန့်ခွဲမှုကော်မတီ မှ တာဝန်ရှိသူတစ်ဦးက ပြောသည်။
ထားဝယ်အထူးစီးပွားရေးဇုန်စီမံကိန်း ပြန်လည်စတင်ရန် မြန်မာ၊ ထိုင်း၊ ဂျပန်အစိုးရတို့ ဆွေးနွေးညှိနှိုင်းနေပြီး မြန်မာ ပုဂ္ဂလိကကုမ္ပဏီများ ပြန်လည် ဖိတ်ခေါ်မည်ဖြစ်ကြောင်း၊ ထားဝယ်အထူးစီးပွားရေးဇုန်စီမံကိန်းသည် သီလ၀ါအထူးစီးပွားရေးဇုန်ထက် ၁၀ ဆခန့်ကြီးမား နေပြီး ကဏ္ဍအလိုက်တစ်ခုချင်းစီကို အကောင်အထည်ဖော်နေရသည်ဟု ၎င်းက ပြောသည်။ “ထားဝယ်အထူးစီးပွားရေးဇုန်စီမံကိန်း ပြန်လည်စတင်ရာမှာ မြန်မာဘက်က ကုမ္ပဏီတွေမပါဘဲ လုပ်လို့မရပါဘူး။ အရင်တုန်းက မြန်မာကုမ္ပဏီတွေ ပါခဲ့ဖူးပါတယ်။ နောက်ပိုင်းမှာ ပြန်လည်နုတ်ထွက်ခဲ့တယ်။ မြန်မာကုမ္ပဏီတွေ ပါလာအောင်ကြိုးစားနေရတယ်။ မြန်မာကုမ္ပဏီတွေ ပူးပေါင်းပါဝင်လာဖို့ ဖိတ်ခေါ်ထားပါတယ်။ လက်ရှိမှာတော့ အထူးစီးပွားရေးဇုန် စတင်ဖို့ မြန်မာ၊ ထိုင်း၊ ဂျပန် သုံးနိုင်ငံအစိုးရ ဆွေးနွေးနေပါတယ်။ ဂျပန်အစိုးရက ထားဝယ်အထူးစီးပွားရေးဇုန်စီမံကိန်း အပါအ၀င် ထားဝယ်ဒေသဖွံ့ဖြိုးဖို့အတွက် အမေရိကန် ဒေါ်လာသန်း ၈၀၀ ကျော်ထုတ်ချေးဖို့ သဘောတူ ထားပါတယ်” ဟု ၎င်းက ပြောသည်။

Leave a Reply

Top